منتديات نسيم الذكريات

منتديات نسيم الذكريات


 
الرئيسيةاليوميةمكتبة الصورس .و .جبحـثالمجموعاتالتسجيلدخول
اهلا وسهلا بكم في شبكة ومنتديات نسيم الذكريات متنمين لكم قضاء اجمل الاوقات معنا والمشاركة معنا وشكرا تحيات الادارة

شاطر | 
 

 قصة حب واقعية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: قصة حب واقعية   الخميس مارس 19, 2009 3:20 pm

السلام عليكم ورحمة الله وبركاته

--------------------------------------------------------------------

هذي قصه بنت اسمها سارا مدمنه على النت وكانت ماتسكر النت الا الساعه 2 بالليل
في يوم من الايام ضافها واحد ومسمي روحه ( الامبرطور ) المهم مر اسبوع وهي ودها تعرف مينو هذا
بعد ثلاثه ايام دخل هو الماسنجر وشافته طبعا انبسطت عشان بتفتح تحقيق

هو : الامبراطور :
هاي


سوسو :
منو انت

سوسو ::
ومن وين عرفت ايميلي وش حقه ضفتني ومينو عطاك الايميل...الخ


الامبراطور ::
بسم الله شوي علي

سوسو :
سلامتك ماني صارعتك يالله بسرعه جاوب

الامبراطور :
ليش انتي بنت ؟؟!!

سوسو :
أي عندك مانع


الامبراطور :
لا بس انا غلطان اختي لاني كنت بضيف صديقي وطلع الايميل غلط


سوسو :
وليش تغلط عمي ماتشوف

الامبراطور :
اختي قلنا آسف عن الغلط من البدايه ماسكتها تحقيق معاي

سوسو :
اي تضيف بنات الناس وماتبي احد يحقق معك والله شباب فاضيه ماعندة سالفه

الامبراطور :
اقول اختي فرصه سعيدة وآآسف مرة ثانيه وممكن انج تحذفيني او تحضريني اذا مو عاجبج الوضع

سوسو :
يعني شنو تقصد

الامبراطور :
اقصد مع الف سلامه

سوسو :
ليش ما اعتقد كلامي يزعل

الامبراطور :
لا بس انا مشغول شوي باي

سوسو :
لحظه لحظه

الامبراطور :
هلا تآمرين بشي

سوسو :

لا سلامتك بس ماقلتلي شنو اسمك

الامبراطور :
هههه ليش مهم

سوسو :
وليش الضحكه ما اعتقد كلامي يضحك

الامبراطور :
لا ابدا لاكن كلامج بالبدايه غير وهذا غير

سوسو :
طيب آسفه على السؤال باي

الامبراطور :
باي

**

وظلت سارا حاقدة عليه لانه استفزها وما اعطاها وجه


ومر يومين وماشافته بالنت طبعا مدة طويله لوحدة طول وقتها بالنت


المهم لما دخل على الماسنجر على طول هي الي بدت الكلام



سوسو :
مرحبا

الامبراطور :
مراحب

سوسو :
كيف الحال

الامبراطور :
بخير


وبعد صمت طويل

سوسو :
آسفه الظاهر انك مشغول وانا عطلتك

الامبراطور :
لا ابدا حبي بس انا اشتغل على البحث حقي وما ادخل الماسنجر وايد

سوسو :
وشو حبك حبتك القرادة قول انشاء الله

الامبراطور :
اشفيج انقلبتي

سوسو :
بس بأي صفه تقول حبي

سوسو :
الشرهه على الي يكلمك مو عليك

الامبراطور :
سوري آنا آسف وحقج علي

سوسو :
سوري ولا لبناني مايهم وهذي آخر مرة تقول هذا الكلام

الامبراطور :
طيب ياصاحبه السمو اوعدج ما اعيدها

سوسو :
الله عجبتني كلمه صاحبه السمو جذي الكلام والا بلا

الامبراطور :
خلاص من اليوم ورايح راح اناديج صاحبه السمو وشنو تبين اكثر من جذي

سوسو :
زين انا شنو اناديك

الامبراطور :
هههههه
حلو ذكائج انا ناديني باسمي خالد

سوسو :
واااو اسمك جنان حلو مررة حلو مو مثلي طاح حظي

الامبراطور :
كل واحد اسمه حلو ولايق عليه

سوسو :
ليش مو حاب تعرف شنو اسمي

الامبراطور :
على راحتج اذا حابه تقولين قولي واذا مو حابه اكتفي بصاحبه السمو

سوسو :
زين كم عمرك شكلك مو كبير

الامبراطور :
عمري 25 سنه

سوسو :
العمر كله بس صغير

سوسو :
على فكرة انا اسمي سارا وعمري 18

سوسو :
اقول شنو رايك انا معاي شله بنات نضيفهم بالمحادثه وندردش

الامبراطور :
لالا انا مثل ماقلتلج عندي بحث ولازم اخلصه
الامبراطور :
باي

سوسو :
براحتك باي

××

وظلت سارا دوم تفكر فيه وبعدها ظل لمدة ثلاثه شهور مايدخل النت

البنت ينت وقالت اكيد شافله شوفه ثانيه


وظلت تفكر فيه بس كانت تقول دايما هو غير الشباب الي بالنت هو غيرهم كلهم واحد ثقيل

مايهمه البنات كثير

وبعد اسبوع....
××

الامبراطور :
يامساء الخير والاحساس والطيبه

سوسو :
اهلين وينك يالقاطع

الامبراطور :
سلامتج بس الاختبارات ماترحم وهذي آخر سنه لي

سوسو :
الله يوفقك

الامبراطور :
وحشتيني مووت

سوسو :
انت اكثر

الامبراطور :
صج تتكلمين ؟ ما اعتقد

سوسو :
والله ما اقدر على فرقاك صج اتكلم شوفلك صرفه

الامبراطور :
خلاص انا عندي حل يرضي كلا الطرفين

سوسو :
شنو هو ؟

الامبراطور :
شرايج اعطيج رقم تلفوني واذا حبيتي تشوفيني بالنت او وحشتج مثل ماتقولين ارسلي بس رساله لي

سوسو :
نعم نعم نعم ..لا منت صاحي ولا تفكر بيوم اني مثل البنات الي انت تكلمهم انا بنت ناس ومتربيه وو .....

الامبراطور :
والنعم بس انا ماقلت بكلمج قلت رسلي رساله و يصير خير

سوسو :
خلاص غير الموضوع بسرعه

الامبراطور :
اوكي بس هذا رقمي اذا حبيتي تشوفيني مرة ثانيه بالنت رسلي بس رساله ××××××××

سوسو :
زين باي

الامبراطور :
باي
××××××


طبعا سارا اخذت موقف من خالد لاكنها ولشدة فضولها سجلت الرقم ..

المهم بعد جم يوم اشتاقت تكلمه او بالاخص عندها موضوع حبت تقوله عنه


فكرت وفكرت شنو تسوي او اشلون تشوفه بالنت

فقالت لنفسها : ليش ما ارسله رساله مثل ماقال هو مابيكلمني ولا انا راح اكلمه


المهم كتبت برسالتها (( خالد ميخالف لو سمحت تدخل النت ضروري ))


المشكله انه مارد عليها


مرت نص ساعه على هذا الوضع

انقهرت البنت وارسلت رساله (( ميخالف آسفه على الازعاج ))


وكرهت نفسها بعد هذا الموقف انها تصورت انه مطنشها


وبعد ايام (( شافته بالنت ولا كلمته وضلت على هذا الوضع ربع ساعه ))

ملت وتنازلت انها هي الي تبدأ بالكلام

×××××××

سوسو :
السلام عليكم

الامبراطور :
هلا والله

سوسو :
لو سمحت احذفني من عندك وما عاد اشوف رقعت وجهك بالماسنجر

الامبراطور :
اللهم سكنهم شنو الي صار

سوسو :
بعد الحركه الي سويتها معاي ماودي اكلمك او حتى اشوفك بالقروب حقي

الامبراطور :
ليش لاسمح الله انا شنو سويت

سوسو :
لا انت برئ ماتسوي شي

سوسو :
بس طنشتني وانا كنت محتاجه لك ذاك اليوم

الامبراطور :
أي يوم

سوسو :
اقصد الرسايل الي ارسلتها لك لاتستهبل خويلد

الامبراطور :
آآآة تقصدين حق النت

سوسو :
أي اهي ليش مادخلت النت او حتى قلت انك مشغول

الامبراطور :
لا عمري انتي فهمتي غلط انا افتكرته واحد من الربع مطلع رقم يديد

سوسو :
لا بس انا آسفه وهذي آخر مرة كانت لحظه طيش

الامبراطور :
عمري لاتقولين هذا الكلام وثاني شي انتي قلتي انك ماتبين الرقم آخر مرة شفتج فيها

سوسو :
زين قلتلك انسا الموضوع

الامبراطور :

زين شنو اهو الموضوع المهم الي كنتي تبين تقولينه

سوسو :
خلاص ماله داعي

الامبراطور :
بتقولين ولا اشلون؟؟؟؟ تراني عصبت

سوسو :
كل مافي الموضوع ان انا خطبني محمد ولد عمي وانا ما احبه ولا احب اشوف رقعت وجهه

واهلي موافقين كلهم واخاف ارفض وعمي يزعل من بابا

الامبراطور :
والمطلوب

سوسو :
انصحني

الامبراطور :
شوفي انا ماني سريع بالكتابه

يعني راح اتصل عليج واقولج رايي لان الموضوع باين عليه طويل

سوسو :
لااااااااا مينون انت

الامبراطور :
يابنت الناس ماني مآكلج وثاني شي انتي لاتتكلمين انا بس الي راح اتكلم اوكي


سوسو : وبعد تفكير
زين بس انا مابقول ولا كلمه

الامبراطور :
اوكي
××××××××

بعد ثواني
تررررن ( نغمه راشد )


خالد : الوو مرحبا

سارا :...... (صامته البنت تستحي)

خالد : زين قولي مرحبا انا جذي ما اعرف اكلمج وانتي ساكته يعني كأني مينون اكلم نفسي


سارا : (( بلا شعور )) لا سلامتك

خالد : الله يسلملي هالصوت الحلو

سارا : (( لاتعليق ))

خالد : اوكي ماراح اطول عليج انتي قلتي انج ماتحبينه ممكن اعرف السبب

سارا : ضروري تعرف

خالد : اكيد عشان اقولج رايي

سارا :
(( سارا طبعا بلا شعور )) لانه واحد معقد وتافهه وماعندة سالفه

خالد : يمه منج جذي على طول خليتيه معقد ؟ اكيد في سبب

سارا : لا بس من طريقه كلامه واسلوبه وثاني شي شايف عمرة ماادري على شنو كأنه مافي احد درس جامعه غيره

خالد : يعني المثقف عندج معقد او مغرور

خالد : انا زين مهتم بدراستي فوق ماتتصورين

سارا : لاااااا عاد انت غير


خالد : من أي ناحيه

سارا : كلك على بعضك حلو

خالد : احم احم

خالد : كله من ذوقج يا عسل

سارا : تسلم (قالتها بكل خجل ) Smile

خالد : المهم اذا كنتي لهذي الدرجه ماتحبينه خلاص ارفضي والي يصير يصير
سارا : زين ممكن طلب

خالد : آمري

سارا : ممكن ترسلي صورتك

خالد :هههههه لا طبعا

سارا : زين انا آسفه

خالد : لا عمري لاتزعلين بس انا من صج مو وسيم واخاف تنصدمين

سارا :زين اوصفلي نفسك

خالد : احم احم طبعا اناقصير اسمر شعري كشه على قولتكم انتوا البنات

سارا :ههههههههه شدعوة

خالد :زين هذا ولد عمج حلو

سارا : ياي اينن تخيل طويل وابيض عيونه عسليه وشعرة ناعم مثل جواد العلي

خالد : هههههه هذا الي قاطع قالبكم يالبنات جواد وطقته

سارا : لا بس ماشاء الله عليه وايد حلو يمكن احلى مني بعد

خالد :ليش انتي مو حلوة

سارا : لا قمر واحلى من القمر بعد بس انا متواضعه

خالد : هههههه واضح متواضعه

سارا : اووو خالد الساعه 2 الوقت سرقنا وانا عندي باجر مدرسه

خالد : اوكي عمري ما اطول عليج بس باجر بس اقعد الصبح راح ادق عليج اوكي

سارا : اوكي مع السلامه

خالد : تصبحين على خير
×××××××

قعدت سارا الصبح واهي متأخرة على الدوام
وطبعا عطوها حرمان من الحصه الاولى


قعدت بالساحه تفكر بخالد وفجأة رن التلفون ( نغمه راشد )

خالد : الو

سارا : الوووو

خالد : يسعد لي هالصباح

سارا : هلا والله الطيب عند ذكرة

خالد : مشاء الله كنتي تفكرين فيني ولا كلام بس

سارا : انت شنو شايف

خالد : ماقلتيلي ماعندج كلاس الحين

سارا : لا عندي بس حرموني منها لاني رحت متأخر

خالد : اوووف ماعاش من يزعل عمري

وظلت سارا وخالد على هذا الحال كل يوم تكلمه ولاتفوت أي شي الا وتقوله له

ورجع في يوم من الايام ولد عمها وتقدم لها للخطبه

بس اهلها هذي المرة غصبوها على الموافقه

ووافقت بعد تردد وتفكيرطويل

واتصل خالد :
الووو
عمري اشلونج

سارا : هلا حياتي انت اشلونك

خالد : تمام

سارا : خالد بقولك شي متعبني

خالد : شنو اهو لايكون تعبانه او مريضه

سارا :
لا حياتي بس ولد عمي رجع خطبني مرة ثانيه واهلي غصبوني عليه

خالد : زين ( يعني شنو )

سارا : يعني انا وافقت عليه وصار خطيبي وبعد اسبوع كتب كتابي عليه


خالد : زين تحبين اخطبج

سارا : انت تتمسخر ( تقولها وهي تبجي ) Sad

خالد : لاعمري بس ليش تبجين

سارا : لانك آخر واحد فكرت انه يتمسخر علي

خالد : زين اقولج على سري الي ماقلته لحد قبلج

سارا : شنو اهو

خالد : انا بعد خاطب بنت قرايبنا

سارا : شنو وليش ماقلتلي لهذي الدرجه انا رخيصه ووو...

خالد : انتي اشفيج صبري علي اشوي

خالد : آه وعلى فكرة اسمها سارا وعمرها 18 وهي بنت ولا كل البنات

سارا : شنو تقصد ؟

خالد : اقصد ياعمري انا اسمي محمد وتوه متخرج وخاطب بنت عمي سوسو

سارا : (بدون شعور سكرت بويهه السماعه )


المهم بعد ماعقد قرانهم ياا عشان يشوفها ويقعد معاها

هي كانت تبجي وتقوله: ليش سويت جذي فيني حرام عليك

قالها لانج كنتي ماتحبيني وخليتج تحبيني غصب صح

قالتله : صح
وتبادلو الضحكات

وعاشوا حياة سعيدة

__________________________

القصة منقوووولة
______________

مع تحياتي الحارة لكم



ا Razz santa jocolor بووديع Surprised Very Happy pirat
الرجوع الى أعلى الصفحة اذهب الى الأسفل
سلسبيل
انشط عضو
انشط عضو
avatar

عدد الرسائل : 323
العمر : 38
الموقع : http://haniawjaan.yoo7.com
تاريخ التسجيل : 11/06/2009

مُساهمةموضوع: رد: قصة حب واقعية   الجمعة يونيو 12, 2009 1:32 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
????
زائر



مُساهمةموضوع: رد: قصة حب واقعية   الأحد يونيو 21, 2009 7:19 am

مشكورة علي الرد Razz
الرجوع الى أعلى الصفحة اذهب الى الأسفل
الدلوووعة
انشط عضو
انشط عضو
avatar

عدد الرسائل : 326
العمر : 24
تاريخ التسجيل : 18/05/2009

مُساهمةموضوع: رد: قصة حب واقعية   الأحد يوليو 26, 2009 11:04 am

شو هالقصص الحلوة الي زي صاحبها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
برنس فلسطيني
عضو مبتدا
عضو مبتدا
avatar

عدد الرسائل : 731
العمر : 27
تاريخ التسجيل : 28/05/2009

مُساهمةموضوع: رد: قصة حب واقعية   الأحد يوليو 26, 2009 10:39 pm

شكرا كثير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
????
زائر



مُساهمةموضوع: رد: قصة حب واقعية   الإثنين يوليو 27, 2009 3:17 pm

شكرا على القصة بس كل بنت تخد حذره الشباب غدرين ما بينعطو وجه
الله يوفق يا راجى
الرجوع الى أعلى الصفحة اذهب الى الأسفل
نسرين



عدد الرسائل : 190
تاريخ التسجيل : 20/03/2009

مُساهمةموضوع: رد: قصة حب واقعية   الخميس أغسطس 20, 2009 9:43 pm

شكرا الك اكتير والله انا بحب القصة الى زي كدا والله اكتير حلوة وشكرا الك ويعطيك العافية يا اجمل اخ يا راجي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
برنس فلسطيني
عضو مبتدا
عضو مبتدا
avatar

عدد الرسائل : 731
العمر : 27
تاريخ التسجيل : 28/05/2009

مُساهمةموضوع: رد: قصة حب واقعية   الأحد أغسطس 23, 2009 1:59 pm

لا بالعكس البنات الي ما بصدقن حالهن لما يه=خرجين مع الشباب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
????????
زائر



مُساهمةموضوع: قصة واقعية   السبت يناير 22, 2011 12:41 am

مرحبا شكرا كتير ع القصة كتير روعةيسلمووووووووووووو I love you I love you
الرجوع الى أعلى الصفحة اذهب الى الأسفل
 
قصة حب واقعية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نسيم الذكريات  :: ًقٌٍسٌٍُمٌٍَ آٍلمٌٍَوٍآضٍُِيًعُ وٍآٍلآبٌٍدَآعُ-
انتقل الى: