كان طالع الصبح زى كل يوم رايح على شغلة وكلة نشاط وحتى لو مفيش نشاط ما هو لازم يروح شغلة عشان لقمة العيش ومحدش بياكلها بالسهل ومشى من نفس الطريق اللى بيمشى فية كل يوم ومفيش على بالة ولا فى دماغة حاجة غير انة يوصل لعربية الشركة اللى هتودية الشغل
--------------------------------------
وطول الطريق عمال يغنى جوة نفسة بيسلى نفسة على ما يوصل للمكان اللى هيستنى فية عربية الشغل وصل الى الهدف بعد ما خلص يادوب اربع خمس اغانى داخلين فى بعض من كل سطر حتة وهو كلة ماشى \وعلى راى الست ماشى يادنية ماشى ماشى كلة ماشى لكن ماشى رايح فين كل واحد وظروفة مش معقول هقولك تمشى فين كمان ولا احدد ليك طريق وانت خلاص كبرت بقى وبقت رجل بشنب طولة يجى اربعة خمسة مترا ---- اة وخمسة وخمسين سنتى الدقة حلوة ومطلوبة
---------------------------------------
ما علينا المهم وصل الى المكان وقف على نفس الناصية بتاعة كل يوم وبحلق للسماء وهات يابص وتفكير وزهن شارد وتفكير فى اية الله اعلم محدش دخل جواة عشان يعرف وفجاة وبدون مقدمات وقفت ادامة وهات يابص فية وبحلقة على اية معرفشى بقى هو يبص للسماء وهيا عمالة تبص وتبحلق فية وهو ولا على بالة وبعدين درب بطرف عنية خد بالة اتهز وقلق وقال جوة نفسة خليك راجل كبر عادى وكانى مش شايف وخلينى فى حالى هتعمل اية ليا يعنى
---------------------------------------
وبعد شوى وهيا عمالة تبحلق فية وهو عمال يبحلق فى السماء مديها طناش خالص وكانها بتبص وبتبحلق على واحد تانى وابتدت تلف حوالية وهو واقف بطل ولا يهزك ريح ياجبل وهيا عمالة تلف وتلف حوالية وبعد كدة ابتديت تصرخ وتذوم وخدت وضع استعداد على الهجوم علية ولما حس بيها وبلحظة الخيانة بص ليها براحة ولا قال ليها اى كلمة يادوب بص ليها وهو كلة خوف وجواة خوف وعمال مالها بيا بس ياترى عايزة اية معجية ولا هتغدر وتعملها معى وتلعب الدنيئة وهتهجم عليا وفى لحظة ما هو بيفكر عربية الشغل جت واستغرب سائق العربة لما عمال ينادى علية لما شافة واقف ومش عايز يجى وهو خالص اثبت فى مكانة وكان حد ثبتة فى الارض
-------------------------------------
وهيا مصممة تتعرف علية هعرفك يعنى هعرفك بقى فى نص هدومة هيعمل اية مش عارف يعدى يروح للعربية وهيا واقفة ادامة مش عايزة تمشى ومحروج اوى من العربية وااللى وفيها واللى كل واحد فيهم فتح الشباك اللى ادامة والكل عينية علية بين واحد يندة والتانى يضحك والثالث نزل وبيحاول يتصرف وفى وسط كل دة وهيا واقفة ولا فى الدماغ وعنيها علية زى ما بتكون بتقول لة على فين ياحلو هتهرب منى فين
--------------------------------------
وفى وسط الدوخة دى والعربية اللى عايزة تتطلع عشان الشغل وخوف من التاخير وبين الاخ اللى واقف وصاحبتنا مش عايزة تسيبة فجاة جة صوت من بعيد يندة عيب بوتشى مش كدة انتى خرجت ازى انا هوريكى وجة صاحب الصوت واعتذر للجميع وخد صحبتة وهيا بتبص وهات ياصريخ عشان مشيت وسبتة والاخ ما صدق وجرى على العربية ما بين ضحك وكلام الزملاء فرد الجريدة ودفس عينية فيها وعمل انة مش وخد بالة من حاجة
ارجووووووووووووووووووا الرد
مع تحياااااااااااااااااااااااااتي
رومنسي بس منسي
الإثنين أبريل 06, 2009 9:29 pm
